අධ්‍යාපනය සඳහා වාස්‌තු විද්‍යාව
දරුවන්ගේ අධ්‍යාපනය සාර්ථක කර ගැනීමට වෘක්‍ෂයන් තුළින් විශ්ව ශක්‌තිය දරුවාට සම්ප්‍රේෂණය කිරීම උදෙසා වාස්‌තු ශිල්පයේ සඳහන් මූලික කරුණු පහත ආකාර වේ.
ඔබගේ නිවසේ මුහුණත උතුරු හෝ නැගෙනහිර දිශාවේ නම් නිවස ඉදිරිපිට සුදු හෝ නිල් හෝ දම්පාට මල් පිපෙන ශාඛ හෝ මල් ගස්‌ සිටුවන්න. උදෑසන පාසලට නික්‌ම යන දරුවාට ඒවා ශක්‌තියක්‌ වේවි. එසේම ඔබගේ නිවසේ මුහුණත දකුණු හෝ බටහිර නම්, නිවස ඉදිරිපිට රතු, දම්, රෝස සහ ලා කහ වැනි පාට සහිත මල් ගස්‌ හෝ ශාක සිටුවන්න. මේ තුළින් දරුවාගේ වර්ධනය වන මොළයේ සියුම් කොටස්‌ නිසි ලෙස උත්තේජනය වනු ඇත.
එසේම ඔබගේ දරුවා පිරිමි දරුවෙකු නම්, ඔහු ලවා කොහොඹ පැළයක්‌ නිවසේ ඊශාන දිශාවේ සිටුවා ඔහු ලවාම එයට සාත්තු කරන්න. ඔබට ඊශාන දිශාවේ ඉඩ නොමැති නම්, උතුරු හෝ නැගෙනහිර හෝ වයඹ දිශාව ඒ සඳහා යොදා ගත්තාට වරදක්‌ නැත. එසේම ඉඩකඩ සීමා සහිත නම්, පෝච්චියක හෝ කොහොඹ පැළයක්‌ සිටුවන්න.
එසේම ඔබේ දරුවා ගැහැණු දරුවෙකු නම්, උක්‌ත දිශාවලටම සමන්පිච්ච වැලක්‌ දරුවා අතින් හිඳුවා එයට සාත්තු කිරීමට සළස්‌වන්න. මේ තුළින් දරුවාට දෙවියන්ගේ විශ්වීය තරංග නිතැතින් ලැබෙනු ඇත. එසේම ඔබගේ හැකියාව හා ඉඩපහසුකම් පරිදි උතුරු ඊශාන දිශාවන් වල සුදු හඳුන් පැළයක්‌ සිටුවීමද ඉතා යහපත් වේ. මේවා දරුවන් ලවාම කරවීමට වගබලා ගත යුතුයි. එසේම කිසිම විටක හරියටම නිවස ඉදිරිපිට අඹ ගස්‌ හෝ සියඹලා ගස්‌, මඩු ගස්‌, කටු සහිත ගස්‌ හෝ පතොක්‌ ගස්‌ නොසිටුවිය යුතුමයි. මෙහිදී බෝගන් විලා ගස්‌ නිවස ඉදිරිපිට කිසිම විට තැබීම නොකළ යුතු වේ.
තවද ඔබගේ ගෙවත්තේ ඉඩකඩ තිබේනම් බදාදා හෝ සෙනසුරාදා දිනයක ඔබගේ නිවසට වයඹ දිශාවෙන් ප්‍රධාන ද්වාරයට නොපෙනෙන පරිශ්‍රයක බුලත් වැලක්‌ දරුවා ලවා සිටුවන්න. මේ තුළින් දරුවාට ඇතිවන සියලු අපල උපද්‍රව සහ ඇස්‌වහ දෝෂ කටවහ දෝෂ ඉවත් වනු ලැබේ. එසේම එම බුලත් වැලේ ඵලදාව කිසිම දවසක මිල නොකළ යුතු අතර අසල් වැසියන්ගේ ප්‍රයෝජනය උදෙසා කැප කළ යුතු වේ.
Thank you for reading!
